I
Balaang Espiritu,
Kasingkasing ko dan-agi,
Taklia ang kangitngitan,
Ug sa kahayag ilisi.
II
Balaang Espiritu,
Sa gahum Mo hinloi ko,
Nga sa taas nga panahon
Kasal-anan lang ang naangkon.
III
O kalipay nga langitnon,
Kasingkasing ko lipaya,
Kuhaa ang kasakitan,
Mga samad ko ayoha.
IV
Balaan nga Espiritu,
Kasingkasing naku pun-a;
Matag larawan isikway,
Ikaw lang ang manag-iya.