I
Di mo hikalimtan ang Diosnong Sabado
Sa tibuok semana mao ang maayo
Atong diosnong pahulay sa atong kabudlay
Timaan sa pahulay sa langitnong balay
Koro
Daku ang kalipay ta sa adlawng sabado
Daku ang kalipay ta sa adlawng sabado
II
Pagsantoson ninyo ang Diosnong Sabado
Kay mao ang gisugo sa atong Ginoo
Kon atong tumanon ang Iyang kasugoan
Nan atong ambiton ang Iyang gingharian
Koro
Daku ang kalipay ta sa adlawng sabado
Daku ang kalipay ta sa adlawng sabado
III
Adlaw sa kalipay ang Diosnong Sabado
Kay adlaw sa pagdayeg sa atong Ginoo
Sa tibuok nga adlaw awitan si Jesus
Ambahan ang ngalan sa atong Manunubos.
Koro
Daku ang kalipay ta sa adlawng sabado
Daku ang kalipay ta sa adlawng sabado